Berikut ini adalah salah satu contoh sesorah / puisi jawa tentang perpisahan. Mohon disimak....
1. SESORAH PERPISAHAN KELAS IX
Assalamu’alaikum Wr . Wb.
Ingkang dhahat kinurmatan Bapak Kepala Sekolah SMP 2 Banguntapan
Bapak/ibu guru ingkang dhahat kinabekten
Kanca-kanca sedaya saha adhik kelas ingkang kula tresnani
Mangga saderengipun nglajengaken acara, kula
lan penjenengan tansah ngunjukaken puji syukur ing ngarsanipun Gusti ingkang
Maha Agung ingkang tansah paring rahmat lan hidayahipun ngantos ing kalodhangan
punika kita sedaya saget pinanggih ing papan punika kanthi sehat, kangge
ngawontenaken perpisahan.
Para rawuh ingkang kinurmatan
Salejengipun kula minangka wakil
saking siswa kelas IX sedaya ngaturaken agunging panuwun ingkang tanpa pepindan
awit saking sih katresnan bapak/ibu guru ingkang sampun nggulawentah lan mulang
wuruk kanthi sabar, tulus lan ikhlas. Sengga kula sakanca seged ngrampungaken
sekolah sadangunipun kirang langkung 3 tahun. Mugi-mugi bapak/ibu guru pikantuk
ganjaran ingkang langkung sae saking Gusti ingkang Maha Agung, aamiin..
Bapak/ibu guru tuwin adhik-adhik
ingkang satuhu kula kurmati, sekedhap malih kula sakanca ninggalaken pawiyatan
menika. Awrat anggen kula matur kados pundi raosipun nilar bapak/ibu guru saha
adhik-adhik. Namung kawonten kedah mekaten, pramila kepeksa kula sakanca
nilaraken bapak/ibu guru saha adhik-adhik kelas sedaya.
Kula sakanca nglenggena bilih
asring sanget sami damel Bapak lan Ibu guru duka. Pramila, kula sakanca nyuwun
agunging samodra pangaksami. Salajengipun nyuwun tambahing berkah pangestunipun
Bapak lan Ibu guru, supados kula sakanca dipunparingi gampil anggenipun nempuh
pendhidhikan ingkang langkung sae wonten jenjang sekolah ingkang langkung
inggil.
Kula sakanca tansah nyenyuwun lan
dedonga mugi adhik-adhik sedaya saged kasil anggenipun ngangsu kawruh wonten ing
pawiyatan menika.
Para rawuh ingkang kinurmatan,
Mekaten ingkang saged kula
haturaken. Kula kinten boten prayogi menawi atur pamitan menika kula pepanjang,
prawila cekap semanten atur kula. Ing wasana, kathah galap gangsuling atur,kula
nyuwun angunging pangaksami.
Wassalamu’alaikum Wr. Wb.
0 comments:
Post a Comment